Soliq kodeksining 277, 294-moddalariga asosan jismoniy shaxslar tomonidan mol-mulk va yer solig‘ini to‘lash muddati hisobot yilning 15-oktabriga qadar etib belgilangan. Bu haqda “Daryo”ga Davlat soliq qo‘mitasi Jamoatchilik bilan aloqalar va huquqiy axborot bo‘limi ma’lum qildi.
Soliqlarni o‘z vaqtida to‘lamaslik, soliq organi tomonidan qarzdorlikni majburiy undiruvga qaratish maqsadida sudga ariza bilan murojaat etilishiga hamda sud ijro hujjati asosida Majburiy ijro byurosi tomonidan qarzdorning egaligidagi uy-joy, avtomobil va boshqa mulklardan foydalanishiga ta’qiq qo‘yilishi hamda chet elga chiqishi vaqtincha cheklanishiga olib kelishi mumkin.
Shu bilan birga, soliqlarni o‘z vaqtida to‘lamaslik natijasida soliq qarziga qo‘shimcha ravishda sud xarajatlari ham (ijro yig‘imi, davlat boji, ma’muriy jarima va boshqa to‘lovlar)qarzdordan undiriladi.
Izoh (0)