Toshkent davlat o‘zbek tili va adabiyoti universiteti rektori Shuhrat Sirojiddinov va Xitoyning O‘zbekistondagi Favqulodda va muxtor elchisi Jiang Yan xonim uchrashib, Shanxay shahrida Alisher Navoiy nomidagi o‘zbek tili va adabiyoti markazini tashkil etish to‘g‘risida kelishib oldi. Bu haqda universitet matbuot xizmati ma’lum qildi, deya xabar beradi “Turon 24”.
Alisher Navoiy markazi Toshkent davlat o‘zbek tili va adabiyoti universiteti rektorining joriy yil noyabr oyida Xitoyga safari davomida ochilishi belgilangan.
Shuningdek, Shuhrat Sirojiddinov universitetda Xitoy markazini ochishni taklif etdi. Bu yerda o‘zbek adabiyoti namunalarini xitoy tiliga, xitoy ijodkorlari asarlarini o‘zbek tiliga o‘gira oladigan tarjimonlarni tayyorlash ko‘zda tutilgan.
Izoh (0)