AQShga ikki oy ichida ikkinchi dovul yopirildi, deb xabar beradi TJournal. U Florida shtati tarixidagi eng kuchlisi bo‘ldi.
AQSh janubi-sharqidagi “Maykl” dovulida ikki kishi qurbon bo‘ldi. Ulardan biri Floridada, ikkinchisi Jorjiyada halok bo‘ldi.
Dovul Alabama, Jorjiya va Floridada 500 mingdan ortiq kishini elektr tokisiz qoldirdi. Turar joylar jiddiy zarar ko‘rgan, derazalar va do‘kon vitrinalari singan, ko‘plab ko‘chalar suv ostida qolgan.
Falokat oqibatlarini bartaraf qilishga Floridada minglab shoshilinch xizmatlar xodimlari va 2,5 ming harbiylar jalb qilindi. Shtat hududida 50 dan ziyod vaqtinchalik yashash punktlari tashkil qilindi, u yerga qariyb 7 ming kishi joylashtirildi.
Florida uchun “Maykl” kuzatuvlar boshlangan davr — 1851-yildan buyon shtat shimoli-g‘arbiy sohillariga yopirilgan eng kuchli dovul bo‘ldi.
Izoh (0)