Internetda “Bag‘dod go‘zali — 2014” tanlovi g‘olibasi bo‘lgan iroqlik model Tara Faresning o‘ldirilishi aks etgan videorolik paydo bo‘ldi. Ko‘chadagi kuzatuv kameralaridan olingan yozuv YouTube’ga joylandi.
Kadrlarda erkak kishi avtomobil rulida o‘tirgan Faresga qarata o‘q uzgani, so‘ng hamtovog‘i bilan mototsiklga o‘tirib jo‘nab ketganini ko‘rish mumkin. Qizning mashinasi boshqa bir avtomobilga to‘qnashmagunicha yo‘l bo‘ylab yurib ketgan.
Eslatib o‘tamiz, “Bag‘dod go‘zali” o‘zining sport mashinasida o‘ldirib ketilgan edi. Tara Faresning jasadi shayx Zayd kasalxonasiga 27-sentabr, kechki payt olib kelingan. Unda uchta — boshida ikki va ko‘krak qismida bitta o‘q izi aniqlangan.