Indoneziyada tabiiy ofatlar qurbonlari soni 1760 kishidan oshdi

Indoneziyada zilzila va sunami qurbonlari soni 1763 kishini tashkil etdi. Bundan tashqari, yana 5 ming kishi bedarak yo‘qolgan hisoblanmoqda, deb xabar beradi “Korrespondent.net”.

Eng ko‘p odam Balaroa va Petobo tumanlari hududida yo‘qolgan. Qidiruv ishlari davom etmoqda.

Palu va boshqa shaharlarda vayronalar ostidan tanalar olib chiqilishi davom etmoqda. Shu tufayli qurbonlar soni oshishi kutilmoqda.