Bugun,

  • USD 11095.31
  • RUB 173.84
  • EUR 10772.44

Ijtimoiy tarmoqlarda va qator elektron OAVlarda og‘ir jinoyatlarni sodir etishda gumon qilinayotgan Shohrux Jo‘rayev va Behzod Nuriddinov go‘yo noqonuniy ushlangani hamda Toshkent shahar IIBB xodimlari tomonidan ularga nisbatan kuch ishlatilgani haqida ma’lumotlar tarqaldi. Bu haqda IIBB matbuot xizmati xabar bermoqda.

Foto: IIBB matbuot xizmati

Foto: IIBB matbuot xizmati

Mazkur ma’lumotlar haqiqiy holatga to‘g‘ri kelmaydi. Sh. Jo‘rayev, B. Nuriddinov va yana 5 nafar shaxs 11-avgustdan 24-sentabrgacha bo‘lgan muddat oralig‘ida og‘ir jinoyatlar sodir etganlikda gumon qilinmoqda.

Internet tarmog‘ida e’lon qilingan fotoda Shohrux Jo‘rayev emas, balki Behzod Nuriddinov tasvirlangan. U IIBB xodimlaridan qochishga uringanida ro‘y bergan YTH oqibatida tan jarohatlari olgan. Behzod avtomobil boshqaruvini uddalay olmay, Olmazor tumani, Moyqo‘rg‘on ko‘chasidagi beton to‘siqqa borib urilgan va unga tibbiy yordam ko‘rsatilgan.

Jinoiy guruhning barcha a’zolariga JKning 164-moddasi, 3-qismi (“Bosqinchilik”) bilan ayblov e’lon qilingan. Sud ularga nisbatan qamoqqa olish chorasini qo‘lladi.

Izoh
Asosiy yangiliklar
Mahalliy
Turkmaniston O‘zbekistonga tekinga gaz yetkazib beradi 
Mahalliy
Toshkentda ko‘prik ustidagi “Gazel” yonib ketdi (video)
Biznes
Rossiyadan Osiyoga ko‘mir eksporti narxi oshgani ma’lum qilindi