“Toshkentda va Toshkent viloyatida tashrif joyida ro‘yxatdan o‘tish” elektron xizmatini olish muddati besh ish kunidan bir ish kunigacha qisqartirildi, deb yozadi “Gazeta.uz” “Elektron hukumat” tizimini rivojlantirish markazi xabariga tayanib.
Ushbu xizmat optimallashtirilgan holda Yagona interaktiv davlat xizmatlari portalida test rejimida ishlayapti. Undan foydalanish tartibi soddalashtirildi: fuqarolar yetti xildagi hujjatlarni to‘plashi hamda migratsiya va fuqarolikni rasmiylashtirish bo‘limiga borishi kerak emas.
Ushbu xizmatdan elektron tarzda foydalanish uchun OneID tizimida ro‘yxatdan o‘tish lozim. Shundan keyin YaIDXPda avtorizatsiya qilinadi va “Fuqarolik” bo‘limida joylashgan xizmatdan foydalaniladi.
Batafsil yo‘l-yo‘riq markaz saytida ko‘rsatilgan.
Izoh (0)