Avvalroq joriy yilning 29—30-sentabr kunlari Fransiyaning Parij shahrida sport gimnastikasi bo‘yicha Jahon kubogining navbatdagi bosqichi o‘tkazilishi haqida xabar berilgandi.
Ushbu nufuzli musobaqada O‘zbekiston sharafini afsonaviy Oksana Chusovitina himoya qilmoqda. Bugun Chusovitina tayanib sakrash mashqlarida chiqish qildi va eng yuqori ballni to‘plab, oltin medal sohibasiga aylandi. Ikkinchi va uchinchi o‘rinlar mos ravishda Kanada va Sloveniya terma jamoasi a’zolariga nasib etdi.
Ta‘kidlab o‘tish lozim, mazkur Jahon kubogi Tokio—2020 Olimpiya o‘yinlariga reyting ochkolarini beradi.
Ma‘lumot uchun, Oksanan Chusovitina uch karra Jahon chempioni, Yevropa chempioni, Osiyo o‘yinlari g‘olibasi, 7 marta yozgi Olimpiya o‘yinlari ishtirokchisi hisoblanadi. Oksana XVIII yozgi Osiyo o‘yinlarida kumush medaliga ega chiqqandi.
Izoh (0)