Shavkat Mirziyoyev Emomali Rahmon hamrohligida Tursunzoda shahridagi “Talko” davlat unitar korxonasi bilan tanishdi. Bu haqda Prezident matbuot xizmati xabar berdi.
Ushbu zavod 1975-yilda qurilgan. 2007-yilda “Tojikiston alyuminiy kompaniyasi” davlat unitar korxonasiga aylantirilgan. Bugungi kunda “Talko” tog‘-kon va kimyo-metallurgiya sohalarida ko‘plab korxonalarni birlashtirgan.
Joriy yil iyul oyida O‘zbekistonning “Krantas grupp” mas’uliyati cheklangan jamiyati bilan Tojikiston alyuminiy kompaniyasi hamkorligida “Talko-Krantas” maxsus texnikalar zavodi tashkil etildi. Mazkur qo‘shma korxonada avtokranlar, traktor pritseplari, yarimtirkamalar va boshqa maxsus texnikalar ishlab chiqariladi.
O‘zbekiston va Tojikiston Prezidentlarining tashrifi chog‘ida ushbu istiqbolli loyiha taqdimoti o‘tkazildi.
Davlat rahbari Tojikiston alyuminiy kompaniyasi faoliyati bilan tanishdi.
Izoh (0)