Vyetnamda o‘tgan hafta vafot etgan mamlakat prezidenti — Chan Day Kuang bilan vidolashuv bo‘lib o‘tmoqda, deb yozadi “Vesti.ru”.
26 va 27-sentabr butun mamlakatda umummilliy motam kunlari deb e’lon qilindi, davlat bayroqlari tushirildi, barcha ko‘ngilochar tadbirlar bekor qilindi, telekanal va radiostansiyalar dasturlariga tuzatishlar kiritildi.
Prezident tobuti Xanoydagi milliy mudofaa vazirligi davlat motam zaliga o‘rnatildi.
Motam marosimlari bir vaqtning o‘zida Xoshimine shahrida hamda Ninbin provinsiyasidagi Kimshon uyezdida bo‘lib o‘tmoqda. U yerda 27-sentabr kuni dafn marosimi o‘tkaziladi.
Chan Day Kuang og‘ir xastalikdan so‘ng 21-sentabr kuni 61 yoshida hayotdan ko‘z yumdi. U 2016-yil aprelidan beri mamlakatni boshqarib kelayotgandi.
Izoh (0)