Janubiy Koreya prezidenti Mun Chje In amerikalik hamkasbi Donald Trampga KXDR yetakchisi Kim Chen Inning xatini topshirdi, deb yozadi “RBK”. Bu haqda Janubiy Koreya prezidenti ma’muriyati Kyodo agentligiga ma’lum qilgan.
Tramp KXDR rahbarining xatini Vashingtondagi sammit chog‘ida olgan. AQSh va Janubiy Koreya prezidentlari Tramp va Kim Chen Inning yangi uchrashuvi uchun ehtimoliy joy va vaqt haqidagi fikrlari bilan bo‘lishgan. Xatda nima haqda gap borishi aytilmayapti.
Shimoliy Koreya yetakchisining maktubi haqida 20-sentabr kuni ma’lum bo‘lgan edi. Janubiy Koreya prezidenti uni Pxenyandagi muzokaralar chog‘ida olgan. Mun Chje Inning so‘zlariga ko‘ra, KXDR rahbari denukliarizatsiya jarayonini tezroq yakunlamoqchi va AQSh prezidenti bilan uchrashuv o‘tkazmoqchi.
Izoh (0)