23-sentabr, yakshanba kuni shayx Muhammad Avvoma hazratlarining O‘zbekistondagi ziyoratlarining beshinchi kuni Qarshi shahridan boshlandi. Ertalab Abu Mu’in Nasafiy hazratlarining ziyoratlariga borildi. Bu haqda “Islom.uz” xabar bermoqda.
Ziyorat asnosida shayx Muhammad Avvoma hazratlari Nasafdan yetishib chiqqan ulug‘ allomalar haqida suhbat qildilar. Qarshi shahridagi ziyoratdan so‘ng mehmonlar Surxondaryo viloyatining Sherobod tumanida joylashgan Imom Abu Iso Termiziy hazratlarining ziyoratlarida bo‘ldilar. Ushbu ziyoratdan so‘ng shayx Muhammad Avvoma hazratlari ziyoratgoh yonidagi masjidda Imom Abu Iso Termiziy hazratlarining kitoblari haqida ma’ruza qildilar.
Surxondaryo viloyatidagi keyingi ziyorat Sherobod tumanidagi Imom Termiziy hazratlarining ziyoratlari bo‘ladi. Ushbu ziyoratdan so‘ng shayx Muhammad Avvomaning Surxondaryo viloyatidagi ziyoratlari yakuniga yetadi. Mehmonlarning O‘zbekiston bo‘ylab ziyoratlari davom etadi.
Izoh (0)