Jinoyat ishlari bo‘yicha Sharof Rashidov tuman sudida firibgarlikda ayblangan shaxs oqlandi. Bu haqda tuman sudi axborot xizmati “Daryo”ga xabar bermoqda.
Dastlabki tergov organi tomonidan Otabek Norqo‘ziyev xavfli retsidivist bo‘la turib, 2015—2016-yillarda bir nechta holatda bir guruh shaxslar bo‘lib, fuqarolarga tegishli bo‘lgan yer uchastkalarini soxta hujjatlar asosida sotish va shu orqali fuqarolarning pul mablag‘larini firibgarlik yo‘li bilan egallash bilan shug‘ullanib kelgan.
Otabek Norqo‘ziyev ushbu holatlar uchun sudlanmasdan turib, 2016-yil iyul oyida takroran o‘zganing mulkini aldash va ishonchni suiiste’mol qilib, firibgarlik yo‘li bilan qo‘lga kiritish, takroran, soxtalashtiruvchining o‘zi yoki boshqa shaxs foydalanishi maqsadida muayyan huquq beradigan rasmiy hujjatlarni qalbakilashtirish va hujjatning qalbaki ekanligini bila turib undan foydalanish maqsadida qismi tergov organining 2018-yil 27-maydagi qaroriga bilan JPK 84-moddasi 1-qismining 3-bandi (vafot etgani munosabati bilan)ga asosan tugatilgan tanishi Yusupov Soib Qudratovich bilan o‘zaro jinoiy til biriktirgan.
Ular bir guruh shaxslar bo‘lib, S.Yusupovga Sharof Rashidov (Jizzax) tuman hokimining 2016-yil 18-maydagi 751-sonli qarori bilan yer uchastkasi ajratilmagan bo‘lsa-da, ushbu qarorga ilova qilingan ro‘yxat nusxasiga Soib Yusupovning ismi-sharifini 12-raqam ostida kiritib, hujjatni qalbakilashtirib, yer uchastkasi sotib olishni ma‘lum qilgan Jizzax shahri Ko‘tarma mahallasida yashovchi Zayniddin Gadoyevga tuman hokimining 2016-yil 18-maydagi 751-sonli qaroriga asosan Ne’matilla Mallayevga ajratilgan yer uchastkasini ko‘rsatib, unga “bu yer uchastkasi Soib Yusupovga tegishli, hujjatlarni asl nusxasini keyin olib kelib beramiz, siz hozir uy quravering, narxini keyin kelishamiz” deb aytib, uni aldab, 500 000 so‘m pulini firibgarlik yo‘li bilan qo‘lga kiritib, pulni S.Yusupov bilan o‘zaro bo‘lishib olib, Z.Gadoyevga tuman hokimining qarori nusxasi, ushbu qarorga ilova qilingan S.Yusupovning ism-sharifi kiritilgan ro‘yxatni va yer uchastkalari joylashuv sxemasini taqdim qilib, qalbaki hujjatdan foydalanib, pulni shaxsiy manfaatlariga ishlatib yuborganlikda ayblangan.
Sud dastlabki tergov organi tomonidan Otabek Norqo‘ziyevga e‘lon qilingan ayblovni sud majlisida tekshirilgan dalillar majmuiga asoslanib, o‘z isbotini topmadi deb hisoblab, unga nisbatan oqlov hukmi chiqarildi.
Izoh (0)