AQSh 20-sentabr, payshanba kuni Rossiya qurol-yarog‘ini sotib olish bo‘yicha bitimlar tufayli Xitoy mudofaa vazirligi va “Rosoboroneksport” xodimlariga qarshi sanksiyalar kiritdi, deb yozadi “RIA Novosti”.

Foto: “RIA Novosti”

Xususan, qo‘shinlarni tayyorlash va Xitoy markaziy harbiy kengashini ta’minlash departamenti va uning rahbari Li Shanfu cheklovlar ostiga tushdi. Kengash mamlakat qurolli kuchlarini boshqaradi, unga esa bevosi Xitoy raisi Si Szinpin rahbarlik qiladi.

Oq uy vakili ma’lum qilishicha, cheklov choralari Rossiyadan o‘tgan yilning dekabrida Su-35, 2018-yil yanvarida esa S-400 zenit-raketali tizimlarning sotib olinishi tufayli kiritilgan. Ikkala tranzaksiya ham Rossiyaga qarshi sanksiyalar kuchga kirganidan keyin amalga oshirilgan.