O‘zbekistonda “Atom energiyasidan tinch maqsadlarda foydalanish to‘g‘risida”gi qonun loyihasi jamoatchilik muhokamasi uchun e’lon qilindi, deb yozadi Norma.
Hujjatga muvofiq, yadro materiallari, qurilmalari va saqlash punktlari — cheklangan darajada qo‘llanila oladigan obyektlar. Ularga davlat yoki Prezident tomonidan tasdiqlangan ro‘yxatdagi yuridik shaxs egalik qiladi.
Atom energetikasini tartibga solish sohasidagi vakolat chegaralab qo‘yiladi. Qonun loyihasida Prezident, Vazirlar Mahkamasi, “O‘zatom” agentligi va atom energiyasidan foydalanish sohasidagi davlat boshqaruvi organlarining vakolatlari keltirib o‘tilgan.
Atom energetikasi obyektlaridan foydalanish, yadro qurilmalarini joylashtirish va jihozlash tartibi alohida belgilab qo‘yildi.
Izoh (0)