O‘zbekistonda uzoq vaqt davomida O‘zbekiston Islom harakati a’zosi bo‘lib kelgan Afg‘oniston fuqarosi Abdulhamid Muhammad Hasan afv etildi, deb yozadi “Podrobno.uz”.
Abdulhamid Muhammad Hasan 1977-yilda Afg‘onistonda tug‘ilgan. 1998-yildan Afg‘onistonda Tohir Yo‘ldoshev rahbarlik qilgan O‘zbekiston Islom harakati tashkiloti a’zosi bo‘lgan va uning tarkibida qizg‘in faoliyat olib borgan. Xususan, u O‘zbekistonda amaldagi konstitutsiyaviy tuzumni o‘zgartirish, hokimiyatni egallash, davlat organlari faoliyatini buzishga qaratilgan fitnada faol ishtirok etgan.
2005-yilda u O‘zbekistonga qarshi jinoiy xatti-harakatlardagi ishtiroki uchun mamlakat Davlat xavfsizlik xizmati tomonidan hibsga olingan. Jinoiy ishlar bo‘yicha Toshkent shahar sudi tomonidan unga nisbatan Jinoyat kodeksining bir nechta moddalari bo‘yicha jinoyat ishi qo‘zg‘atilib, u 16 yilga qamalgan edi.
Izoh (0)