Rossiyaning Oryol viloyatida Nexia avtomobili va PAZ avtobusi o‘rtasida yuz bergan avtohalokatda halok bo‘lgan O‘zbekiston fuqarolarining jasadlari vatanga olib kelindi. Bu haqda O‘zbekiston FVV matbuot xizmati xabar berdi.
11-sentabr kuni soat 07:15 (Moskva vaqti bilan)da Oryol viloyati Oryol tumani M-2 “Qrim” avtoyo‘lida PAZ rusumli avtobus Nexia avtomobili bilan ro‘parama-ro‘para to‘qnashib ketgan. Hodisa oqibatida Nexia’ning ikki yo‘lovchisi — Mohmirza Rahmonov (1986-yilda tug‘ilgan) va Malikaxon G‘oziyeva (1983) voqea joyida vafot etgan. Jarohatlar bilan Msensk shifoxonasiga joylashtirilgan haydovchi Kamoliddin O‘rinboyev (1989) keyinchalik olamdan o‘tgan. Ularning bari Andijondan bo‘lgan.
Favqulodda vaziyatlar vazirligi, Tashqi ishlar vazirligi va “O‘zbekiston havo yo‘llari” MAK hamda mahalliy diasporalar tomonidan joriy yilning 15-sentabr kuni amalga oshirilgan qo‘shma tadbirlar natijasida halok bo‘lgan fuqarolar jasadlari Andijon viloyatiga havo transporti orqali olib kelindi.
Izoh (0)