9-sentabr kuni Toshkent shahrining Yunusobod tumanida yashovchi Feruza Isroilova IIBga murojaat qildi, deb xabar beradi IIV Jamoatchilik va ommaviy axborot vositalari bilan aloqalar boshqarmasi.
Fuqaro o‘z murojaatida shu yil 2-sentabr kuni o‘g‘li Bositxo‘ja Baxodirov boshqaruvidagi davlat raqami 01 V 808 VA bo‘lgan Mercedes-Bens rusumli avtomashinada uyidan noma’lum tomonga chiqib ketib, bedarak yo‘qolganligini ma’lum qilgan.
Hozirda Bositxo‘ja Baxodirovni qidirib topish choralari ko‘rilib, surishtiruv ishlari olib borilmoqda.
“O‘z o‘rnida, fuqarolardan Bositxo‘ja Baxodirov va uning boshqaruvidagi avtomashina haqida biron-bir ma’lumotga ega bo‘lgan, ichki ishlar organlarining hududiy bo‘linmalariga borib yoki ‘102’ telefon raqamiga qo‘ng‘iroq qilib, xabar berishingizni so‘raymiz”, — deyiladi xabarda.
Izoh (0)