Rossiya Tergov qo‘mitasi Lipetskdagi 5 nafar o‘zbekistonlik halok bo‘lgan YTHda ikkinchi avtomobil haydovchisi davlat avtoinspeksiyasi xodimi bo‘lganligini tasdiqladi. Bu haqda Sputnik xabar berdi.
“To‘qnashuv paytida xorijiy rusumdagi mashina rulida davlat avtoinspeksiyasi xodimi bo‘lgan. Avariyadan so‘ng u og‘ir ahvolda shifoxonaga yotqizilgan. U haqdagi ma’lumotlar tergov sababli oshkor etilmayapti”, — deb ma’lum qildi Tergov qo‘mitasining Lipetsk viloyati bo‘yicha vakili Yuliya Kuznetsova.
Eslatib o‘tamiz, YTH “Lipetsk—Chapligin” avtomobil yo‘lida 6-sentabr kuni mahalliy vaqt bilan soat 20:30 atrofida sodir bo‘lgan. Lipetsk tomonga ketayotgan Toyota RAV4 va qarama-qarshi tomonga harakatlanayotgan VAZ-2103 to‘qnashib ketgan.
Izoh (0)