Tinch okeanidan Yaponiyaga yopirilgan “Jebi” dovuli Ferrari brendining Rokko orolida joylashgan dilerlik markaziga tegishli 51 ta mashinaga zarar yetkazgan. Kompaniya egasining so‘zlariga ko‘ra, barcha mashinalar utilizatsiyaga yuboriladi, chunki dvigatelga dengiz suvi kirganidan keyin ularni ta’mirlab bo‘lmaydi. Bu haqda “Motor” xabar berdi.
Chorak asr ichidagi eng kuchli deb hisoblangan dovul tezligi soatiga 162 kilometrgacha yetgan shamol bilan birga kelgan. Ko‘rilgan choralarga qaramasdan, suv mashinalar saqlangan binoga kirgan va bir metrgacha ko‘tarilgan.
Bu vaqtda salonda 53 ta Ferrari mashinasi bo‘lgan, ularning deyarli barchasi suvga to‘lgan. Dovuldan ko‘rilgan umumiy zarar miqdori bir milliard iyenani (taxminan 9 million dollar) tashkil qilgan. Salonning egasi xarajatlarning bir qismini sug‘urta kompaniyasi to‘lab berishiga umid qilmoqda.
Izoh (0)