Toshkent shahar Uchtepa tumanida Toshkent halqa avtomobil yo‘lida joylashgan “Maxsustrans” hududidagi tomga yopiladigan rulonli material — qoraqog‘oz ishlab chiqarish sexida yong‘in sodir bo‘ldi, deya xabar bermoqda Toshkent shahar IIBB.
IIBB Yong‘in xavfsizligi boshqarmasi Kuch va vositalarni boshqarish markaziga yong‘in haqida 6-sentabr kuni 16:14 da xabar kelib tushgan. 16:18 da voqea joyiga IIBB YoXBning 4 ta jangovar otryadi yetib kelgan. Yong‘in 16:36 da to‘liq bartaraf etilgan.
Yong‘in oqibatida “Gazel” rusumidagi avtomashina, mahsulotlarning va sex binosining bir qismi yonib ketgan. Bir kishi kichik kuyish jarohatlarini olgan. Qurbonlar yo‘q. Yong‘in sababi va yetgan zarar summasi aniqlashtirilmoqda.
Izoh (0)