Tailandda o‘g‘il qamoqxonaga ekskursiya vaqtida otasini topdi

Tailandning Rayong provinsiyasida maktab o‘quvchilari qamoqxonaga ekskursiyaga bordi. Bolalardan biri muassasada o‘z otasini uchratdi. Bu haqda “Korrespondent.net” xabar berdi.

Yo‘lboshlovchi bolalar guruhini qamoqxonada olib yurgan va bolalardan biri to‘xtab, yig‘lab yuborganini ko‘rgan. Ma’lum bo‘lishicha, bola mahbuslar orasida otasini tanib qolgan. U otasining bu qamoqxonada ekanligini bilmagan.

Yo‘lboshlovchi nazoratchilardan bola otasi bilan gaplashishi mumkin yoki yo‘qligini so‘ragan. Ruxsat olgan bola otasining oyoqlariga tiz cho‘kkan. U sinfdoshlarining oldida otasi uchun uyalmasligini aytgan

Erkak ham yig‘lagan va o‘g‘liga qamoqdan chiqqanidan keyin yaxshi odam bo‘lishga va’da bergan.