Marg‘ilon shahridagi Mehribonlik uyi tarbiyalanuvchilarining yangi o‘quv yili xursandchilik bilan boshlandi. Bu haqda O‘zA xabar berdi.
O‘zbekiston Respublikasi Oliy sudi hamda fuqarolik, jinoyat va ma’muriy ishlar bo‘yicha Farg‘ona viloyati sudlari sudyalari mazkur dargohdagi 152 tarbiyalanuvchiga kitoblar, yangi o‘quv qurollari tuhfa etdi.
Bolalar va sudyalarning o‘zaro ochiq muloqoti qizg‘in va samimiy suhbatga aylanib ketdi.
Samarali uchrashuvdan so‘ng sudyalar Mehribonlik uyi ma’muriyati bilan kelgusida doimiy hamkorlik qilishga kelishib oldi. Kelgusida bu dargohda sudyalar tomonidan ochiq darslar tashkil etish bilan birga, tarbiyalanuvchilarning huquq va manfaatlari himoyasi yo‘lida amaliy ishlar olib boriladigan bo‘ldi.
Tarbiyalanuvchilarning ota-onalari bilan suhbatlar tashkil etish orqali bolalarni oilasiga qaytarishga ham e’tibor qaratiladi.
Izoh (0)