BMW kompaniyasi iX3 elektr krossoveriga buyurtmalarni qabul qilmoqda. Avtomobilning ishlab chiqarilishi esa 2020-yilda yo‘lga qo‘yiladi. Dastlabki savdolar Norvegiyada boshlanadi. Bu haqda “Korrespondent.net” xabar berdi.
Ayni paytda norvegiyaliklar xarid uchun 15 ming kronaga (1800 dollar) navbat band qilmoqda.
BMW iX3 namunasi joriy yilning bahorida Pekinda namoyish qilingan. Namuna asosida kompaniya seriyali ishlab chiqarishni rejalashtirmoqda.
Elektrokrossover X3 platformasida qurilgan. Bir marta to‘liq quvvat bilan mashina 400 kilometrni bosib o‘tadi.
150 kilovattli maxsus yuqori tezlikdagi stansiyada mashina akkumulyatorlari yarim soatda to‘liq quvvatlanadi.
Izoh (0)