IShID terrorchilik guruhining daromadlari 2014-yildan buyon o‘n barobar kamaydi. Bu haqda Rossiya FXX tezkor axborot va xalqaro aloqalar xizmati rahbari Sergey Beseda ma’lum qildi, deb yozadi “Interfaks”.
Uning so‘zlariga qaraganda, to‘rt yil avval terrorchilarning moliyaviy daromadlari uch milliard dollarga baholangan.
“Hozirgi paytda IShID jangarilari yiliga 200—300 million dollar olishga muvaffaq bo‘lmoqda”, — dedi Beseda. Bu kabi pasayish neft va ularning nazorati ostidagi hududlardan olinadigan soliqlardan tushumlarning sezilarli darajada kamayishi bilan bog‘liq.
Xizmat rahbari endilikda IShID moliyaviy faoliyatini davom ettirish uchun mablag‘larini qonuniy biznesga kiritishga majbur bo‘layotganligini qo‘shimcha qildi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)