Bugun, 1-sentabr sanasida Indoneziyaning Jakarta hamda Palembang shahrida XVIII yozgi Osiyo o‘yinlarining boks musobaqalarida final bahslari bo‘lib o‘tmoqda.
Hozirgina -52 kg vaznda O‘zbekiston sharafini himoya qilgan Jasurbek Latipov final jangini o‘tkazdi. Jasurbekka hal qiluvchi jangda filippinlik Rogeden Ladon raqiblik qildi. Loden jarohati sabab jangni oxirigacha davom ettira olmadi. Hakamlar esa 3:1 hisobida Latipovning g‘alabasini ko‘rsatdi.
Shu tariqa Jasurbek Latipov O‘zbekiston nomiga 16-oltin medalni qo‘shib qo‘ydi. Bu orqali O‘zbekiston oltin medal jamg‘arish bo‘yicha 2002-yildagi 15 ta oltinlik marradan o‘tib ketdi.
Biroz avval -49 kg vazndagi Hasanboy Do‘stmatov kumush medalga sazovor bo‘lgandi. Bugun, shuningdek, yana 5 nafar bokschi final jangida ishtirok etadi.
- -56kg: Miraziz Mirzahalilov -Xyo Nam Jo (Shimoliy Koreya)
- -60kg: Shunqor Abdurasulov- Tsendbaatar Yerdenebat (Mo‘g‘uliston)
- -64kg: Iqboljon Xoldorov- Chinzorig Baatarsux (Mo‘g‘uliston)
- -69kg: Bobousmon Baturov- Aslanbek Shimbergenov (Qozog‘iston)
- -75kg: Isroil Madrimov- Abilxan Amankul (Qozog‘iston)
Izoh (0)