NASA birinchi marta Ultima Thule sayyorasi suratini namoyish qildi

NASA Ultima Thule deb ataluvchi 2014 MU69 sayyorasi suratlarini e’lon qildi. Osmon jismi Quyosh tizimi chetidagi Koyper belbog‘ida joylashgan. Suratlar Amerikaning New Horizons sayyoralararo stansiyasi tomonidan olingan. Bu haqda “Korrespondent.net” xabar berdi.

Obyektni suratga olishga birinchi urinish ikki hafta oldin amalga oshirilgan. O‘shanda osmon jismi 172 million kilometrdan LORRI (Long Range Reconnaissance Imager) kamerasi yordamida suratga olingan.

Yakunda olimlar tomonidan har biri 28 soniya farq bilan tushirilgan 48 ta surat olingan. Suratlar sifati uzatish vaqtida sezilarli darajada pasaygan. Biroq ularda obyektlarni ko‘rish mumkin.

Yaqin kelajakda stansiya Ultima Thule bilan yaqinlashadi, bu 2019-yilning 1-yanvariga mo‘ljallangan.