Rossiyaning “Lukoyl” guruhi tomonidan gaz ishlab chiqarish 2018-yilning birinchi yarim yilligida 16,1 milliard kub. metrni tashkil qilgan, bu 2017-yilning shu davriga nisbatan 20 foizga ko‘p demakdir. Bu haqda kompaniyaning 29-avgust kuni e’lon qilingan hisobotiga tayanib, Spot xabar bermoqda.
2018-yilning ikkinchi choragida 8,1 milliard kub. metr gaz qazib chiqarildi, bu bir sutkalik o‘rtacha hisobda 2018-yil birinchi choragidagi darajaga mos keladi. Shu tariqa, kompaniya avgust boshida e’lon qilingan dastlabki ma’lumotlarni tasdiqladi.
“Gaz qazib chiqarishning o‘sishiga asosan O‘zbekistondagi loyihalarning muvaffaqiyatli rivojlantirilishi sabab bo‘ldi”, — deyiladi xabarda.
“Qandim” va “Hisor” loyihalarida yangi quvvatlarning ishga tushirilishi natijasida, joriy yilning birinchi yarmida gaz qazib olish hajmi 6,1 milliard kub. metrga oshdi, bu 2017-yilning birinchi yarmiga nisbatan ikki baravar ko‘pdir.
Kompaniyaning kapital xarajatlari birinchi yarim yillikda 226,8 milliard rublga teng bo‘ldi, bu 2017-yilning birinchi yarim yilligiga nisbatan 11 foizga kam demakdir.
“Pasayish asosan bosh ishlab chiqarish korxonalarining ishga tushirilishi sababli O‘zbekistondagi gaz loyihalariga investitsiyalarning qisqarishi bilan bog‘liq”, — deydi kompaniya.
Izoh (0)