Twitter’ning ijrochi direktori Jek Dorsi va Facebook’ning asosiy operatsion direktori Sheril Sandberg 5-sentabr kuni AQSh senatida razvedka bo‘yicha qo‘mitaning ochiq yig‘ilishida chiqish qiladi. Bu haqda “Korrespondent.net” xabar berdi.
Ta’kidlanishicha, eshituvga Google’ni o‘z ichiga oluvchi Alphabet kompaniyasi ijrochi direktori Larri Peyj ham taklif qilingan, biroq u o‘zining majlisda ishtirok etishini tasdiqlamagan.
Senator Richard Byorrning so‘zlariga ko‘ra, top-menejerlardan ularning ijtimoiy tarmoqlardagi tashqi ta’sirlarga nisbatan harakatlari haqida so‘raladi.
Amerika maxsus xizmatlari 2017-yilning yanvar oyidan buyon AQShdagi prezidentlik saylovlariga Rossiyaning ehtimoliy aralashuvi yuzasidan tergov olib bormoqda.
Izoh (0)