28-avgust kuni Samarqandning ayrim ko‘chalarida transport harakati cheklanadi

2018-yil 28-avgust kuni Samarqand shahar markazidagi bir qator ko‘chalarda transport vositalari harakati vaqtincha cheklanadi. Bu haqda viloyat IIB YHXB matbuot xizmatiga tayanib, “Zarnews.uz” xabar bermoqda.

Bu Samarqand shahrida O‘zbekiston Respublikasi davlat mustaqilligining 27 yillik bayram tadbirlari o‘tkazilishi rejalashtirilayotgan Alisher Navoiy nomidagi markaziy istirohat bog‘i va “Mo‘jiza” amfiteatri atrofida jamoat tartibini saqlash hamda yo‘l harakati xavfsizligini ta’minlash maqsadida amalga oshiriladi.

Soat 16:00 dan boshlab quyidagi ko‘chalarda transport vositalari harakati vaqtincha cheklanadi:

1. Abudurahmon Jomiy ko‘chasining Amir Temur ko‘chasi bilan kesishgan chorrahasidan Universitet xiyobonigacha;
2. Universitet xiyoboni ko‘chasining o‘ng tomoni Shohrux Mirzo ko‘chasidan Orzu Mahmudov ko‘chasi chorrahasigacha;
3. Bobur Mirzo ko‘chasining Orzu Mahmudov ko‘chasi bilan kesishgan chorrahasidan Abdurahmon Jomiy ko‘chasi chorrahasigacha;
4. Amir Temur ko‘chasining Shohrux Mirzo ko‘chasi bilan kesishgan chorrahasidan Abdurahmon Jomiy ko‘chasi chorrahasigacha;
5. Shohrux Mirzo ko‘chasining Amir Temur ko‘chasi bilan kesishgan chorrahasidan Universitet xiyoboni ko‘chasi chorrahasigacha bo‘lgan qismlarida.