Toshkent avtovokzali rekonstruksiya qilinmoqda. Yangi bino kelasi yil bahorida foydalanishga topshiriladi, deb yozadi “Nuz.uz” O‘zbekiston Avtomobil transporti agentligidagi manbasiga tayanib.
Ma’muriyat yangi, barcha talablarga javob beruvchi xalqaro transport tugunini yaratishni rejalashtirmoqda. Avtovokzalning me’moriy qiyofasi o‘zgaradi, o‘tkazuvchanlik qobiliyati oshadi, ichki va xalqaro reyslarga xizmat ko‘rsatish sifati oshadi, bino funksionali xizmat ko‘rsatuvchilar uchun ham, yo‘lovchilar uchun ham kengayadi.
Bosh loyihachi tashkilot Energy Building Consulting MChJ va buyurtmachining g‘oyasiga ko‘ra, yangi ergonomik hududda kassalari va yumshoq kutish zonasi bo‘lgan ikki qavatli zal, VIP-zal, kafeteriya va do‘konlar, saqlash kameralari bo‘lgan yuk bo‘limi, ona va bola xonalari, bolalar zonasi, mehmonxona, ma’muriy dispetcherlik bloki va boshqalar bo‘lishi ko‘zda tutilgan.
Ayni paytda avtovokzal platformasi O‘zbekiston va qo‘shni mamlakatlar shaharlari bilan uzluksiz avtobus qatnovi uchun ishlashda davom etmoqda. Avtovokzalning yangilangan binosini 2019-yil martida ochish rejalashtirilgan.
Izoh (0)