Bugun, 27-avgust sanasida Indoneziyaning Jakarta shahrida XVIII yozgi Osiyo o‘yinlarining og‘ir atletika sport turi bo‘yicha +105 kg vazn toifasidagi bahslar bo‘lib o‘tdi.
Mazkur bahslarda O‘zbekiston nomidan Rustam Jangaboyev ishtirok etib, 455 kg natija bilan musobaqaning bronza medaliga ega chiqdi. Uni ikkinchi o‘rindagi eronlik Said Alihussayniydan atigi 1 kg ajratib qoldi. Birinchi o‘rin esa Behdad Salimikordasiabiga nasib etdi. U 461 kg ko‘rsatkichni qayd etdi.
Shu tariqa O‘zbekiston hisobidagi medallar soni 29 taga yetdi. Shulardan 6 tasi oltin, 11 tasi kumush, 12 tasi esa bronza. Umumiy reytingda esa jamoa 10-o‘rinda.
Izoh (0)