Gretsiyada kuchli yong‘in qurbonlari soni 97 kishiga yetdi

23-iyul kuni Sharqiy Attikada yuz bergan yong‘in qurbonlari soni 97 kishiga yetdi. Bu haqda Gretsiya o‘t o‘chirish xizmati ma’lum qildi, deb yozadi “RIA Novosti”.

O‘t o‘chiruvchilar ma’lumotiga ko‘ra, 78 yoshli erkak shifoxonada vafot etgan.

“Hozirgi paytda Sharqiy Attikada yong‘in qurbonlari soni 97 kishiga yetdi. Attika shifoxonalarida hozirgi paytga qadar yong‘indan jabrlangan 14 kishi vafot etdi”, — deyiladi o‘t o‘chirish xizmati xabarida.

Yong‘in joyida aniqlangan 83 nafar halok bo‘lganlar jasadlarining shaxsi aniqlangan.

Gretsiyada 23-iyul kuni bir nechta yirik yong‘in yuz berdi.