Birlashgan Arab Amirliklarining Warehouse of Games kompaniyasi Toshkentning Yakkasaroy tumanida bolalar uchun taʼlim, sport va koʻngilochar oʻyingoh markazi qurish loyihasini amalga oshiradi. Bu haqda shahar hokimligi matbuot xizmati maʼlum qildi.
Toshkent shahar hokimligida boʻlib oʻtgan muzokaralarda investorlar loyihaga 4 mln AQSh dollari miqdorida sarmoya kiritish istagini bildirdi.
Maʼlumot uchun, loyiha 35 ta doimiy ish oʻrni yaratish imkonini beradi. Qurilajak bolalar oʻyingohi 0,2 gektar maydonni oʻz ichiga olib, 2 yoshdan 14 yoshgacha boʻlgan bolalarning shugʻullanishi va hordiq chiqarishiga xizmat qiladi.
Taʼlim va sogʻlomlashtirish markazi 2019-yil yakunida foydalanishga topshirilishi koʻzda tutilgan.
Izoh (0)