Turkmanboshi shahrida bo‘lib o‘tgan Orolni qutqarish xalqaro jamg‘armasi ta’sischi davlatlari rahbarlari majlisi yakunida ommaviy axborot vositalari vakillari uchun brifing bo‘ldi. Bu haqda Prezident matbuot xizmati ma’lum qildi.
Davlat rahbarlari Orol fojiasi oqibatlarini yumshatish, Orolbo‘yidagi ijtimoiy-iqtisodiy vaziyatni yaxshilash, suv va ekologiya bilan bog‘liq muammolarni birgalikda hal qilishga kelishib olinganini qayd etdi.
Shavkat Mirziyoyev Orol muammosi mintaqa hayoti va kelajagiga daxldor dolzarb masala ekani, muzokaralarda anchadan buyon to‘planib qolgan savollar ochiq va konstruktiv muhokama qilinganini, endi qog‘ozdan amaliy ishga o‘tilishini ta’kidladi.
O‘zbekiston ilgari surgan taklif va loyihalar ta’sischi davlatlar tomonidan qo‘llab-quvvatlandi.
Izoh (0)