Bugun,

  • USD 11014.01
  • RUB 191.8
  • EUR 10674.78

O‘zbekistonda 2019-yildan boshlab fuqarolarning budjet taqsimotidagi ishtirokini ta’minlash mexanizmlarini joriy etish taklif qilinmoqda. Unga ko‘ra, shahar va tumanlar budjetlarining eng kamida 10 foizlik qo‘shimcha manbalari jamoatchilik fikri asosida shakllantiriladi. Prezidentning “Budjet ma’lumotlarining ochiqligini va budjet jarayonida fuqarolarning ishtirokini ta’minlash chora-tadbirlari to‘g‘risida”gi qarori loyihasida shu haqda so‘z boradi, deya xabar beradi “Gazeta.uz”.

Foto: “Gazeta.uz”

Foto: “Gazeta.uz”

2020 yildan davlat budjeti va davlat maqsadli fondlari byudjetlarini “ilg‘or xalqaro standartlar asosida tayyorlangan” qonun bilan tasdiqlash taklif qilinmoqda.

Davlat budjeti, soliq va budjet siyosatining asosiy yo‘nalishlari hamda budjet ijrosi to‘g‘risidagi hisobotlar Oliy Majlis Qonunchilik palatasiga yo‘naltirilgunga qadar majburiy tartibda jamoatchilik muhokamasiga taqdim etiladi.

Davlat budjeti va uning ijrosi to‘g‘risidagi hisobotga parallel ravishda jamoatchilik muhokamasi uchun Moliya vazirligi tomonidan “Budjet fuqarolar uchun” axborot nashri chop etiladi.

Bundan tashqari, Hisob palatasining davlat budjetlari, soliq va budjet siyosatining asosiy yo‘nalishlari loyihalari bo‘yicha hamda davlat budjetining ijrosi to‘g‘risidagi har yillik hisobotlarning tashqi auditi va bahosi natijalari bo‘yicha xulosalarini majburiy tartibda e’lon qilishni joriy etish rejalashtirilmoqda.

2019-yil 1-yanvardan manzilli budjet xarajatlari ustidan jamoatchilik nazoratini amalga oshirish uchun “Ochiq budjet” portalini ishga tushirish mo‘ljallangan. Unda davlat budjeti, soliq va budjet siyosatining asosiy yo‘nalishlari loyihalari, budjet ijrosi to‘g‘risidagi hisobotlar va Hisob palatasi xulosalari e’lon qilinadi.

Bu yerga jamoatchilik fikrini shakllantirish uchun shahar va tumanlar budjetlarining qo‘shimcha manbalari hisobidan moliyalashtirish taklif etilayotgan tadbirlar to‘g‘risidagi ma’lumotlar ham joylanadi.

Fuqarolar portal orqali byudjet qonunchiligi buzilayotgani haqidagi xabarlarini, budjet jarayonini takomillashtirish bo‘yicha takliflarini yuborishi mumkin.

2020-yildan O‘zbekiston Xalqaro budjet hamjamiyati Budjet ochiqligi indeksida ishtirok etishni rejalashtirmoqda.

Izoh
Asosiy yangiliklar
Dunyo
Rim papasi Putin va Zelenskiyga murojaat yo‘lladi
Sport
APL. “Manchester Siti” 9 ta gol urilgan derbida “Manchester Yunayted”ni tor-mor etdi. Holand va Fodendan het-trik
Sport
Superliga. “Nasaf” Toshkentda “Paxtakor”ni mag‘lub etib, yakka peshqadamga aylandi