Toshkentning Uchtepa tumanida ish boshlagan Welcome oilaviy korxonasi sayyohlarga milliy taomlarni pishirish jarayonlarini “master-klass”, ya’ni mahorat darslari ko‘rinishida taqdim qilmoqda. Bu haqda Turizmni rivojlantirish qo‘mitasi xabar berdi.
Shuningdek, bu yerda xorijlik mehmonlar milliy va xorij musiqa hamda qo‘shiqlarini jonli ijroda tinglash imkoniga ega. Oilaviy korxona xodimlari “Kelin salom”, “Kuyov sinash” kabi milliy marosimlarni ham sahnalashtirilgan holda namoyish qilmoqda.
Foto: Turizmni rivojlantirish qo‘mitasiAytish kerakki, bunday gastronomik turizm markazi hozircha poytaxtda mavjud emas edi. Kuni kecha mazkur oilaviy korxona o‘zining ilk mehmonlarini qabul qildi. Ular Ispaniyaning Barselona shahridan kelgan Antonio Arevalo va Gemma Morodir.
Mehmonlar ushbu markazda bo‘lib, milliy qadriyatlar, urf- odatlar, qolaversa, milliy oshxona haqidagi ma’lumotlarga ega bo‘lish bilan birga palov tayyorlash jarayonida ham bevosita ishtirok etdi.
Izoh (0)