Hindistonning Kerala shtatida 8—16-avgust kunlari yuz bergan suv toshqinlari qurbonlari soni 97 kishiga yetdi. Bu haqda “RIA Novosti” xabar berdi.
Xabar berilishicha, toshqinlar oqibatida transport va ta’lim muassasalari ishi buzilgan. Keralaning bosh vaziri Pinarayya Vijayan mamlakat bosh vaziri Narendra Modini shtatga qo‘shimcha yordam berishga hamda ko‘proq harbiylar va vertolyotlar ajratishga chaqirgan.
Shtat tarixida birinchi marta mavjud 39 ta to‘g‘ondan 35 tasi ochilgan. Xavflilikning qizil darajasi shtatning barcha 14 ta tumanida e’lon qilingan.
Kerala shtati o‘tgan haftaning o‘rtasida kuchli musson yomg‘irlari ostida qolgan. Yog‘ingarchilik toshqinlar, sellar, ko‘chkilarni yuzaga keltirgan. Vijayanning ma’lum qilishicha, joriy yilda hudud so‘nggi 100 yil ichidagi eng vayronkor mussonga duch kelgan.
Izoh (0)