O‘zbekiston Prezidenti Shavkat Mirziyoyev 10-avgust kuni Toshkent shahar Shayxontohur tumani faollari bilan uchrashgan edi. Uchrashuv davomida Davlat rahbari har kim, nima ish qilmasin, o‘sha ishga xuddi o‘zi, o‘z uyi uchun qilayotgandek kirishsa, shundagina Vatan obod bo‘lishini ta’kidladi.
Prezidentning ta’kidlashicha, bu jarayonda tomoshabin bo‘lib turganlar — “qip-qizil xiyonatchi”lardir.Joriy yilda respublika bo‘yicha prognozga nisbatan jami 8,1 trillion so‘m soliq yig‘ilib, shundan 6 trillion so‘mi mahalliy byudjetlar ixtiyorida qoldiriladi. Tarixda bo‘lmagan bunday narsa.Toshkent shahrida esa prognozga nisbatan 2 trillion so‘m ko‘p soliq tushib, mahalliy byudjetga 1,5 trillion so‘m qoladi. Bu 2017-yilga nisbatan 10 barobar ko‘p. Mahalliy byudjetga qancha ko‘p pul tushsa, xalqimizga shuncha ishchi joy yaratamiz, maktab quramiz, bolalar bog‘chasi quramiz, yo‘l quramiz, bog‘ quramiz.
Mana bugun qancha narsalarni kelishib keldik. Xuddi o‘zimizning uyimizga o‘xshab harakat qilsak, mana shunda Vatanimiz obod bo‘ladi. Bu meniki emas, deb harakat qiladigan bo‘lsak, tomoshabin bo‘lib tursak, qip-qizil xiyonatchi bo‘lamiz. Va o‘zimizga emas, nevaramizga xiyonat qilgan bo‘lamiz. Bo‘laveradi deb yuraversak, ertaga nima bo‘ladi ishlarimiz?
Menga berilgan ma’lumot bo‘yicha, Shayxontohur tumaniga 11 mingta ishchi joyi kerak. Lekin bugun biz 20 mingta ishchi joy yaratish bo‘yicha chora-tadbirlar ko‘rdik. 20 ming! 2018—2019-yillarda 2,147 trillion so‘mlik 97 ta loyihani amalga oshirish bo‘yicha dastur ishlab chiqdik. Ota-ona uchun bolasi borib, ishda bo‘lib, o‘zini baxtini topishdan katta baxt bormi hozirgi zamonda?
Shavkat Mirziyoyev, O‘zbekiston Prezidenti
Izoh (0)