Bugun,

  • USD 11095.31
  • RUB 173.84
  • EUR 10772.44

Avvalroq O‘zbekistonda sayyohlik kompaniyalariga bir qator imtiyozlar taqdim etilgani, ular orasida soliq solinadigan bazani kamaytirish ham borligi xabar berilgan edi. Endi esa O‘zbekiston Moliya vazirligi, Davlat soliq qo‘mitasi va Turizmni rivojlantirish davlat qo‘mitasining qo‘shma qarori bilan ushbu imtiyozlarni taqdim etish tartibi tasdiqlandi, deb yozadi Spot.

Foto: Spot

Foto: Spot

Unga muvofiq, soliq solinadigan baza quyidagi summalarga kamaytiriladi:

100 million so‘mgacha — xo‘jalik yurituvchi subyektlarning 2020-yilning 1-yanvariga qadar sanitariya qoidalari, me’yorlari va gigiyena normativlariga muvofiq keladigan zamonaviy sanitariya-gigiyena tarmoqlarini qayta tiklash, kapital ta’mirlash va qurishga yo‘naltirilgan xarajatlari;

12 million so‘mgacha — har yili 2025-yilning 1-yanvariga qadar xo;jalik yurituvchi subyektlarning sanitariya qoidalari, me’yorlari va gigiyena normativlariga muvofiq keladigan zamonaviy sanitariya-gigiyena tarmoqlarini, turizm infratuzilmasi obyektlarini saqlashga yo‘naltirilgan xarajatlari.

Xo‘jalik yurituvchi subyektlarning soliq solinadigan bazasini 100 million so‘mgacha kamaytirish imtiyoziga ega bo‘lish uchun soliq to‘lovchi Sog‘liqni saqlash vazirligining tegishli davlat sanitariya-epidemiologiya nazorati markazlarining xulosasini olishi lozim.

2020-yil 1-fevralgacha markazning xulosasi olinmagan taqdirda, soliq to‘lovchining ushbu obyektning tegishli qismiga nisbatan soliq solinadigan bazasini kamaytirishga bo‘lgan imtiyoz bekor qilinadi va u soliq solinadigan bazasining kamaytirilgan davrlari uchun aniqlashtirilgan soliq hisobotlarini qonun hujjatlarida belgilangan tartibda taqdim etishi lozim.

Izoh
Asosiy yangiliklar
Mahalliy
“Elektr ta’minotidagi uzilishlarga ko‘p duch keldim” — O‘zbekistonga ko‘chib o‘tgan IT-mutaxassis taassurotlari
Dunyo
“Sirli odam” — Murali Lal Jalanning Minerva City bo‘yicha intervyusi bahslarga sabab bo‘lmoqda. Lal Jalan aslida kim?
Sport
Bobur Abduxoliqov Belarusda mavsumning eng yaxshi to‘purari va eng yaxshi futbolchisi sovriniga ega chiqdi