Buyuk Britaniya poytaxti Londonda uzoq vaqt davomida uyning tomidan tusha olmagan Jessi laqabli urg‘ochi to‘tiqush yordamga kelgan o‘t o‘chiruvchilarni so‘kdi. Qutqaruvchilardan biri narvondan qushning oldiga chiqqan va “Men seni yaxshi ko‘raman”, — deb aytgan. Qutqaruvchiga shu tariqa qushning turgan joyida ushlab olish mumkinligi tushuntirilgan edi. Jessi: “Men ham seni yaxshi ko‘raman”, — deb javob bergan va qutqaruvchini so‘kkan, deb yozmoqda Meduza.
Jessi o’z uyidan uch kun avval qochib ketgan va qo‘shni uyning tomiga chiqib olgan. Uning xo‘jayinlari va Hayvonlar bilan shafqatsiz munosabatlarning oldini olish bo‘yicha qirollik jamiyati vakillari qushni pastga tushishga ko‘ndira olmagan. Qush jarohatlangan bo‘lishi mumkinligidan xavfsirab, o‘t o‘chiruvchilar chaqirilgan.
Jessie the parrot in now home safe & sound with her owner and she had this to say to the firefighters who came to help her in #Edmonton https://t.co/Th2nlVCq7I pic.twitter.com/3ABkzH2nHY
— London Fire Brigade (@LondonFire) August 14, 2018
Aniq bo‘lishicha, qish jarohatlanmagan. Jessi o‘t o‘chiruvchilar ko‘z o‘ngida boshqa tomga, keyin esa daraxtga uchib o‘tgan. Keyinroq u xo‘jayinlarinikiga qaytgan. Uyga qaytganidan keyin olingan videoda qush kamtarlik bilan qutqaruvchilarni yaxshi ko‘rishini tan olgan.
Izoh (0)