Samarqandda jamoatchilik nazorat maskanlari ustaxona va do‘koncha vazifasini o‘tamoqda

Jamoatchilik nazorat maskanlari joylarda jinoyatchilik va huquqbuzarliklarning oldini olish, mahallalarni jinoyatchilikdan xoli hududga aylantirish maqsadida tashkil etilgan. Bu haqda “Zarafshon” xabar bermoqda.

Biroq, Samarqanddagi aksariyat mahallalarda mazkur maskanlar nomiga qurilgani yoki savdo nuqtasiga aylantirilganligiga guvoh bo‘lish mumkin.

Xususan, Samarqand shahridagi Amir Temur nomli mahallada tashkil etilgan jamoatchilik nazorat maskanida poyabzal ta’mirlash ustaxonasi faoliyat ko‘rsatmoqda. Ustaning ta’kidlashicha, ertalab soat 8:00 dan 18:00 gacha shu yerda aholiga xizmat ko‘rsatib, kechki payt hudud profilaktika inspektori va mahalla posboniga topshirib ketarkan.

Vaholanki, har bir jamoatchilik nazorat maskani kuzatuv kamerasi bilan ta’minlangan bo‘lishi, nav­batchilikda turgan kishi tomonidan hududga kirib kelayotgan begona shaxs­lar hamda avtotransport vositalari maxsus kitobga ro‘yxatga olinishi kerak.

Ammo ushbu jamoatchilik maskanida “Xalq yo‘li – xaq yo‘li” kitobi ham­da mahalla faoliyatini yuritish bo‘­yicha uslubiy tavsiyalar bor, xolos.

Xuddi shunday holatni shaharning Zulfiya nomli mahallasidagi jamoatchilik nazorat maskanida ham uchratish mumkin: hozirda bu yerda salqin ichimliklar savdosi yo‘lga qo‘yilgan...