Bugun, 13-avgustda O‘zbekistondagi barcha 60 ta oliy ta’lim muassasasi va ularning 19 ta filiallarida test sinovlari muvaffaqiyatli yakunlandi. Bu haqda O‘zbekiston bosh vaziri o‘rinbosari Aziz Abduhakimov ma’lum qildi.
13-avgust kuni test sinovlari Surxondaryo viloyatidagi 1 ta oliy ta’lim muassasasida beshta ta’lim yo‘nalishi bo‘yicha bo‘lib o‘tgan. Unda 1 355 nafar abituriyent qatnashgan, turli sabablarga ko‘ra 17 abituriyent imtihonga kelmagan.
Surxondaryoda o‘tgan so‘nggi test sinovlarining javoblar varaqalari 23:00 da Toshkentga, Davlat test markaziga yetib keladi. Test sinovlarining natijalari 14-avgust kuni kunning ikkinchi yarmida DTM saytida e’lon qilinadi.
“Test sinovlari natijalariga ko‘ra oliy ta’lim muassasalariga o‘qishga tavsiya qilingan abituriyentlarni va ularning ota-onalarini farzandlari o‘qishga kirganligi bilan tabriklaymiz”, — deb yozadi Aziz Abduhakimov.
Izoh (0)