Kecha, 12-avgust sanasida Pepsi Superliga 21-turidan o‘rin olgan “Metallurg” – “Qizilqum” bahsi 2:1 hisobidagi mezbonlarning g‘alabasi bilan yakunlangandi.
Uchrashuvni boshqarib borgan hakam – Hasan Ro‘ziyev o‘yin davomida qo‘pol xatolarga yo‘l qo‘ygani uchun Superliga uchrashuvlaridan oktabr oyiga qadar chetlatildi. Bu haqda O‘FA matbuot xizmati ma’lum qildi.
O‘FA hakamlar qo‘mitasi hamda ekspertlar guruhining tasdiqlashicha, uchrashuvning 35-daqiqasida Ro‘ziyev “Metallurg” jamoasi darvozasi tomon penalti belgilanishi lozim bo‘lgan vaziyatda 11 metrli jarima zarbasini qo‘ymagan. Bu esa yakunda natijaga o‘z ta’sirini o‘tkazgan.
Ma’lumot uchun, mazkur o‘yindan keyingi matbuot anjumanida “Qizilqum” bosh murabbiyi Hamidjon Aktamov uchrashuv bosh hakami Hasan Ro‘ziyevning “o‘yini” qurboni bo‘lganini ta’kidlagan edi.
Izoh (0)