Gretsiyaning Siros orolida joylashgan Godʼs Little People Cat Rescue xayriya tashkiloti mazkur orolda yashovchi 55 ta mushukka qarovchi kishini izlayotgani haqida ma’lum qildi, deb yozadi Meduza.
Bo‘sh ish o‘rni uchun 45 yoshdan katta kishilar izlanmoqda. Nomzod mexanik uzatish qutili mashinani haydashni, hurkak hayvonni ushlash, qo‘lga o‘rgatish va davolashni bilishi kerak.
Ish kuni davomiyligi to‘rt soatni tashkil qiladi. Sinov muddati bir oy davom etadi. Muvaffaqiyatli o‘tgan nomzod bilan kamida yarim yilga shartnoma tuziladi.
Ish haqi bilan birga (uning miqdori aynan qancha ekani aytilmayapti), ishchiga bepul yashash joyi taklif qilinadi. Taklif qilinadigan uyning bog‘i bor va u yerdan Egey dengizi manzarasi ko‘rinib turadi.
Izoh (0)