O‘tgan bir kun mobaynida Toshkentning uchta ko‘chasida o‘rnatilgan beshta radar yordamida tezlikni me’yoridan oshirgan 365 haydovchi qayd etildi. Bu haqda shahar IIBB matbuot xizmati xabar bermoqda.
Xabar berishlaricha, ko‘chma radar qurilmalari Amir Temur shoh ko‘chasiga (Toshkent teleminorasi oldida va “Yulduz” korxonasi (Oloy bozori) oldida) hamda Toshkent halqa avtomobil yo‘liga (yo‘lning sobiq “Shiribom” zavodi va Sergelidagi Drivers Village avtosaloni oldidan o‘tgan qismida) o‘rnatilgan.
Eslatib o‘tamiz, 8-avgust kuni Bog‘ishamol ko‘chasining Toshkent hayvonot bog‘i oldidan qismiga va Toshkent halqa avtomobil yo‘lining Yunusobod tumanidan o‘tgan bo‘lagiga o‘rnatilgan ko‘chma radar qurilmalari bir necha soat ichida tezlikni me’yordan oshirish bilan bog‘liq 246 ta qoidabuzarlikni aniqlagandi.
Izoh (0)