Germaniyaning Scheider Group kompaniyasi Toshkentda o‘z vakolatxonasini ochadi, deb xabar beradi Spot.

Foto: Facebook

Ma’lum qilinishicha, ochilish marosimi sentabr oyida bo‘lib o‘tadi.

Scheider Group tashabbusiga ko‘ra, bir qator nemis kompaniyalarining vakillari O‘zbekistonga tashrif buyuradi. Ular Investitsiyalar bo‘yicha davlat qo‘mitasi, Iqtisodiyot vazirligi va Savdo-sanoat palatasida muzokaralar olib boradi. Shuningdek, nemis delegatsiyasining bir qator ishlab chiqarish obyektlariga borishi rejalashtirilgan.

Ma’lumot uchun

Scheider Group 2003-yil tashkil etilgan. Kompaniya Rossiya, Qozog‘iston, Belarus, Ukraina, Polsha, O‘zbekiston va Armanistonda biznesni yaratish va rivojlantirish uchun zarur bo‘lgan bek-ofis xizmatlarini taqdim etadi. Kompaniya tomonidan taklif etiladigan xizmatlar sirasiga bozorga chiqish strategiyalarini ishlab chiqish, buxgalteriya hisobi, soliq masalalari bo‘yicha konsultatsiya, import, ERP-tizimlarini joriy qilish va boshqalar kiradi. Kompaniya Osiyo va Yevropaning 10 ta shaharida o‘zining ofislariga ega.