Asli falastinlik bo‘lgan amerikalik ayol Rashida Tlaib AQSh kongressiga dastlabki saylovlarda g‘olib bo‘ldi, deb yozadi “RIA Novosti”. U kongressmen lavozimini egallagan birinchi musulmon ayolga aylanishi mumkin.
Bu Demokratik partiya vakilasi Tlaib uchun birinchi bunday muvaffaqiyat emas. 2008-yilda u Michigan shtatining qonun chiqaruvchi organidagi ilk musulmon ayolga aylangan edi.
7-avgust, seshanba kuni Michigandagi dastlabki saylovlar chog‘ida u o‘zining besh nafar partiyadoshini ortda qoldirdi. Respublikachilar ushbu saylovlarda qatnashmaganini hisobga olganda, Tlaibning raqobatchilari bo‘lmaydi va u noyabrda o‘tkaziladigan oraliq saylovlarda g‘olib bo‘lib, kongressdan joy egallashi deyarli aniq.
Tlaib kongressda hammabop tibbiy sug‘urta, soatiga 15 dollar minimal ish haqida va AQSh immigratsiya-bojxona politsiyasini tugatish kabi bir qator g‘oyalarni ilgari surmoqchi.
2018-yilgi saylovlarda boshqa shtatlardan ham musulmon ayollar qatnashmoqda, shu sababli Tlaib Amerika kongressidagi birinchi, ammo yagona musulmon ayol bo‘lmaydi. Shunga qaramay, Tlaib kelib chiqishi amerika-falastinlik bo‘lgan birinchi kongressmen ayolga aylanadi.
Izoh (0)