Moskva meri lavozimiga nomzod, RLDPdan Davlat dumasi deputati Mixail Degtyarev saylovda g‘olib chiqsa, mehnat muhojirlariga ular uchun o‘z vatanlarida oziq-ovqat savdo-sotig‘i bo‘yicha shartnomalar tuzish yo‘li bilan ish o‘rinlarini yaratishga va’da berdi, deb yozadi Sputnik.
“Men Osiyoda, O‘rta Osiyoda, Armanistonda oziq-ovqat ishlab chiqaruvchi fermalar, korxonalar bilan kelasi yildanoq moskvaliklar uchun oziq-ovqat mahsulotlarini sotib olish haqida qat’iy shartnomalar tuzaman. Shu tariqa, men mer sifatida o‘z vataningizda ish o‘rinlari yaratilishini kafolatlayman — biz moskvaliklar uchun foydali bo‘lishi mumkin bo‘lgan hamma narsani: sabzavotlarni ham, mevalarni ham, go‘shtni ham, parranda go‘shtini ham sotib olamiz”, — dedi Degtyarev mehnat muhojirlari bilan uchrashuvda.
Nomzod, shuningdek, Rossiya poytaxti mehnat muhojirlari orasidan chiqqan yuqori sinf mutaxassislariga ehtiyojmand ekanligini qo‘shib qo‘ydi.
“Biz O‘rta Osiyo mamlakatlari, Moldova, Ukrainadan kelgan muhojirlarning bolalariga ta’lim berishga tayyormiz. Mehnat muhojirlari, yuqori sinf mutaxassislari Moskvaga kerak”, — dedi u.
Izoh (0)