AQSh davlat departamenti Rossiyaga nisbatan sanksiyalar joriy qilishini e’lon qilganidan keyin Moskva birjasida savdolarning ochilishida rubl kursi keskin tushib ketdi. Bu haqda “Kommersant.ru” xabar bermoqda.
2016-yilning noyabridan boshlab ilk marta 1 dollar 66 rubldan ortiqni tashkil qildi. Yevro kursi savdolarning boshida 2018-yilning aprelidan boshlab ilk marta 77 rubl ko‘rsatkichidan ko‘tarildi, so‘ng yana pasaydi.
Ayni paytda 1 dollar 66,13 rubl, 1 yevro esa 76,6 rublga teng.
8-avgust kuni AQSh davlat departamenti Rossiyaga nisbatan yangi sanksiyalar joriy qilishini e’lon qilgan. Sanksiyalarning birinchi paketi 22-avgust kuni kuchga kirishi kutilmoqda.
Izoh (0)